ନାରୀ

ସଂସାରରେ ନାରୀ ର ରୂପ ଅପାର
ଜନନୀ ବିନା ଯେ ଘର ଅସାର ।

ପରିଚୟ ଏଠି ଅନେକ ତା’ର
ଠିକଣା ବିନା ସେ ଗଢଇ ଘର ।

ଶାଶୁଘର ଗଲେ ମନରେ ଡର
କାଳେ ସେଠି ମୋତେ କରିବେ ପର ।

ବନ୍ଧୁ ର ସମ୍ମାନ ପାଏ ଯେଉଁଠି
ଲକ୍ଷ୍ମୀ ଫେରି ବୋଝ ସାଜଇ ଏଠି ।

କର୍ତ୍ତବ୍ୟ ପାଳନେ ହୁଅଇ ଅନ୍ଧ
ସ୍ବାମୀ ଦେଖାଏ ତା’ ଦାୟିତ୍ଵ କାନ୍ଧ ।

ଘର ଲୋକ ଆଜି ସଭିଏଁ ପର
ଅର୍ଦ୍ଧାଙ୍ଗିନୀ ଯେବେ ହେଲି ତୁମର ।

ଉପନାମ ଟିକେ ପାଇବା ପାଇଁ
ଘରୁ ଆସିଛି ମୁଁ ଏରୁଣ୍ଡି ଡେଇଁ ।

ସଭିଏଁ ପଚାର ଅସ୍ତିତ୍ଵ ମୋର
ଗର୍ଭେ ଦଶମାସ ଦୁଇ ଶରୀର ।

ଅଗ୍ନି ପରୀକ୍ଷା ଦେଲି ଦୁହିତା ହୋଇ
ଧୋର୍ଯ୍ୟ ଶକ୍ତି ର ମାପକାଠି ନାହିଁ ।

ସହ-ସମ୍ପାଦିକା
ପୁଷ୍ପଲତା ଦିଗାର
ବାରିପଦା,ମୟୂରଭଞ୍ଜ