ସାଇତା ଅତୀତ କବିତା କିଛି
ଆଜି ଯେବେ ତାକୁ କାଢି ଦେଖୁଛି,
ସ୍ମିତ ହାସ ଓଠେ ଫୁଟଇ ଝରି
ସତେ କିଏ କହେ କାନେ ମୋହରି ।
କେତେ ଦିନ ଆଉ ପଡ଼ି ରହିବୁ
କାଗଜ କଲମେ ଦରଦ ଦେବୁ ,
ଓଡ଼ିଆ କବିତା ପଢୁଛି କିଏ
ତୁଚ୍ଛା ରେ ଲେଖୁ ତୁ ନିର୍ଲଜ ଟିଏ ।
ଛାଡ଼ିଦେ ଆଜିଠୁ କବିତା ଲେଖା
ଲେଖାକୁ ତୋହର ପଢୁ ତୁ ଏକା ,
ସତ ଚେଷ୍ଟା କଲେ କ’ଣ ପାଇବୁ
ଥକିଯାଇ ଶେଷେ ତୁହି ହାରିବୁ ।
ସରକାର ଠାରୁ ଜନତା ଯାଏ
ଧନ ପଛେ ପଡ଼ି ପାଗଳ ହୁଏ ,
ଚାକିରି ଟେ କଲେ ସମାଜେ ତୁହି
ରହିବେ ସଭିଏଁ ନିଜର ହୋଇ ।
ନିଗମାନନ୍ଦ ନାୟକ
ବେଲପାଳ, ମୟୂରଭଞ୍ଜ
You might like
