ଆଜିର ମଣିଷ

ବିଶ୍ୱାସରେ ଲୋକେ ବିଷ ମିଶାଇ ଯେ
ଭୋଗୁଛନ୍ତି ଆଜି କଷଣ ,
ଏତେ ସବୁ ଦେଖି ବୁଝୁନାହୁଁ ଯଦି
କଷ୍ଟ ପାଇବୁ ରେ ଭୀଷଣ ।

ଆହାର ରେ ଯଦି ପ୍ରହାର କରିବୁ
ଓହ୍ଲାଇ ଆସିବେ ଈଶ୍ବର ,
ମାଳିକା ର ଅନ୍ତ ନାହିଁ ବେଶୀ ଦିନ
ନିପାତ ହୋଇବ ସଂସାର ।

ବେଳ ଥାଉଁ ଥାଉଁ ସୁଧାର ନିଜକୁ
ହେଇଯାଅ ତୁମେ ରକ୍ଷକ,
ଦୁଃଖୀ ଦରିଦ୍ର ଙ୍କ ସେବା କରିଯାଅ
ରୁହନାହିଁ ହୋଇ ଭକ୍ଷକ ।

ଅନ୍ୟର ଆଖିରେ ଲୁହ ଦେଲେ ତୁହି
ବହିବ ତୋ ଆଖିରୁ ଲହୁ,
ହସି ହସାଇଲେ ସମାଜେ ସଭିଙ୍କୁ
କୋଳେଇ ନେବେ ମହାବାହୁ ।