ଆରେ ଚକ ଜଗି ଅଛି..
ଅଖ ଜଗି ଅଛି
କାଳିଆ ଆସିବ ବୋଲି
ମୁଁ ଗଣୁଅଛି ଦିନ ମୋ ସାଆନ୍ତ (୨)
ରଥକୁ ଟାଣିବି ବୋଲି
ହୋ ରଥକୁ ଟାଣିବି ବୋଲି…
ତା ଚକା ଆଖି କୁ.
ଚକା ଆଖି କୁ ତା
ଦେଖିଦେଲେ ଥରେ
ଭକତ ଢାଳନ୍ତି ଲୁହ
କେମିତି ବୁଝାଇ କହିବି ଲୋ ସଖୀ
କି ଭାବ ଅଛି ତା’ସହ…. (୨)
ଟାଣି ନେଉଥାଏ
ନେଉଥାଏ ଟାଣି
ଦେଉଳ କୁ ତା’ର
ବରଷ ଟା ଯାକ ଜଗା
ହେଲେ ଟାଣି ହେଇ
ଆସୁଅଛି ସିଏ
ଜଗିଛି ମୁଁ ଯେ ଅଭାଗା (୨)
କୋଳେଇ ଆଣିବେ
ସେବକ ତାହାର
ରଥରେ ହେବ ସେ ବିଜେ
ପାଇବାକୁ ସେହି
ଦରଶନ ପାଇଁ
ବ୍ଯାକୁଳେ ନୟନ ଭିଜେ । (୨)
ଭକତ ଙ୍କ ପାଇଁ
ରଥାରୂଢ଼ ହୋଇ
ବଡ଼ଦାଣ୍ଡେ ଯିବ ଗଡ଼ି
ଶ୍ରୀ ଗୁଣ୍ଡିଚା ଠାରେ
ଯାଇ ପହଁଚିବ
ଭକତେ ନେବେ ଲୋ ଭିଡ଼ି (୨)
ରଥରେ ବନ୍ଧା ଦଉଡ଼ି (୧)
ଯିବ ଜଗା ରଥେ ଚଢି (୧)
ଭକତ ନେବେ ଲୋ ଭିଡି……
ନିଗମାନନ୍ଦ ନାୟକ
ବେଲପାଳ, ମୟୂରଭଞ୍ଜ
ମୋ ପ୍ରିୟା ଗାଁରେ ସକାଳ ହେଲେ, ଆମ ଗାଁରେ ବାସନା ଆସେ, ପ୍ରିୟା ଗାଁରେ ସଂଜ ନଇଁଲେ, ଆମ ଗାଁରେ ଚନ୍ଦ୍ରମା ହସେ ।। ପ୍ରିୟା ଗାଁରେ ବରଷା ହେଲେ, ଆମ ଗାଁ ରେ ବିଜୁଳି ମାରେ, ପ୍ରିୟା ଗାଁ ରେ ଶରତ କାଳେ, ଆମ ଗାଁ ରେ ବଉଦ ଖେଳେ ।। ପ୍ରିୟା ଗାଁରେ ଗ୍ରୀଷ୍ମ କାଳରେ, ଝାଞ୍ଜି ପବନ ଆମ ଗାଁରେ, ହିମ କାକର ଶୀତ ଦିନରେ, ସୁନେଲୀ ଖରା ବିଛାଇ ପଡେ ।। ତାହାରି ଗାଆଁ.... ଆମରି ଗାଆଁ... ଦୂରତା ନୁହଇଁ ବେଶି, ବୋହୂ ହୋଇ ସେ ଆସିବ କେବେ, ମୁଁ ଚାହିଛି ତାକୁ ବସି ।। ମୁଣ୍ଡରେ ସିଏ ଓଢୋଣା ଟାଣି ଏରୁଣ୍ଡି ଡେଇଁବ ହସି, ସାରା ଜୀବନ ରହିବ ସାଥେ, ଯିବନି ହାତରୁ ଖସି ।। ଚିତ୍ରା ରାଣୀ ପାତ୍ର ବାଲେଶ୍ଵର
ଭେଦ ଭାବ ନାହିଁ ପୁରୀ ବଡ ଦାଣ୍ଡେ
ଚାରି ଧାମ ଠାରୁ ଶ୍ରେଷ୍ଠ
ପତିତ ପାବନ କେତନ ତଳରେ
ନିଜେ ନିଜ ପାଇଁ ଜ୍ୟେଷ୍ଠ ।
ଯେମିତି ଭାବନା ଯେମିତି କଳ୍ପନା
ଭକ୍ତ ପାଇଥାନ୍ତି ଫଳ
ଏକ ପରଂବ୍ରହ୍ମ ସବୁରି ଅନ୍ତରେ
ଏକା ସେହି ଆଦିମୂଳ ।
ଉତ୍କଳ ପ୍ରଦେଶ ଖ୍ୟାତି ବହିଅଛି
ଜଗତ ନାଥଙ୍କୁ ଧରି
ନିତ୍ୟ ସାମବେଦ ଉଚାରନ୍ତି ଏଠି
ଦେବା ଦେବୀ ଛନ୍ତି ପୂରି ।
ବାର ମାସେ ତେର ପରବ ପାଳନ
ଦିନ ବିତେ ଆନନ୍ଦରେ
ଅମୃତରୁ ବଳି ଶ୍ରୀ ମହାପ୍ରସାଦ
ଭିଡ ଆନନ୍ଦ ବଜାରେ ।
ତୁମେ ଥାଅ ପ୍ରଭୁ ତୁମରି ଇଚ୍ଛାରେ
ଭକ୍ତ ମନ ରଖି ଖୁସି
ଆହାକି ସୁନ୍ଦର ତୁମ ରଥ ଯାତ
ଦେଖନ୍ତି ଜଗତ ବାସୀ ।
ବିଜୟ କୁମାର ଜେନା
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି,ରଣପୁର,ନୟାଗଡ଼
As a kid, I used to play,
with friends on the playground.
I remember as a kid today,
playing with fun friends.
The tears do not stop,
let’s see that childhood scene.
I want to get back today,
I remember that childhood.
Thinking about that,
I wondered how I would-
get my childhood back.
Playing games together,
The mobile age is today.
In fact, it is worse then worthless,
it consumes time and-
resources but returns no sales.
Let’s go to Russia for a moment,
and let’s play together again.