ଜନତା ଙ୍କ ହିତ ସାଧନ ପାଇଁ ,
ସ୍ବର୍ଗ ରୁ ଦେବତା ଆସନ୍ତି ଓହ୍ଲାଇ ।
ନାନା ଯୁଗେ ନାନା ବେଶକୁ ଧରି ,
ଦେଖନ୍ତି ଆମକୁ ସନ୍ତାନ ପରି ।।ସେ ସିନା ଅଟନ୍ତି ପାଳନ କର୍ତ୍ତା ,
ମୋ ପାଇଁ ଈଶ୍ୱର ମୋ ପିତାମାତା ।
ମୋ ହୃଦ ଆସନ ତାଙ୍କରି ପାଇଁ ,
ରତ୍ନ ସିଂହାସନ ଯାଇଛି ହୋଇ ।।ଚଳନ୍ତି ଠାକୁର ସିଏ ମୋହର ,
ତାଙ୍କ ପୂଜା ସାରି ପୂଜେ ମୁଁ ହର ।
ଈଶ୍ୱର ସୃଷ୍ଟି ରେ ଦୁଇଟି ଶ୍ରେଷ୍ଠ ,
ବାପା ବୋଉ ବୋଲି ଜାଣେ ମୁଁ ସ୍ପଷ୍ଟ ।।ତାଙ୍କରି କୃପାରେ ଖୋଲିଛି ଆଖି ,
ଯା’ପାଇଁ ଦୁନିଆଁ ପାରୁଛି ଦେଖି ।
ଆହା କି ସୁନ୍ଦର ଜୀବ ଜଗତ ,
ଗଢ଼ିଛନ୍ତି ୟାକୁ କେଉଁ ସାଆନ୍ତ ।।ନିଗମାନନ୍ଦ ନାୟକ
ବେଲପାଳ,ମୟୂରଭଞ୍ଜ
