…..ନାରୀର ରୂପ…..
***************
*******
ନଳିନୀ ସମ ନାରୀ ପ୍ରସ୍ଫୁଟିତ
ସମାଜ ଭିତରେ ଥାଇ,
ସେ ନାରୀ ଆଜି ବିଶ୍ୱେ ପରିଚିତ
ସମାଜ ଉଦ୍ଧାର ପାଇଁ ll
କେବେ ଜାୟା ପୁଣି ଭଗିନୀ ସେ ତ
ଅଟେ ଜନନୀ ସ୍ୱରୂପ,
କନ୍ୟା ସାଜି ସିଏ କରୁଛି ସଂଳାପ
ଅଦ୍ଵିତୀୟ ତା’ର ରୂପ ll
ମା’ ହୋଇ ଦିଏ ମମତାର ଛାୟା
ଭଗିନୀ ରୂପରେ ସ୍ନେହ,
ସ୍ୱାମୀ ପାଖେ ସେ ସମର୍ପିତା ହୋଇ
ବଢାଏ ପ୍ରେମର ମୋହ ll
କେତେବେଳେ ନାରୀ ଦୁର୍ବଳା ହୋଇ
ସହଇ ଭୀଷଣ କଷ୍ଟ,
ଅସହ୍ୟ ହେଲେ ଦଶଭୁଜା ହୋଇ
ପାପକୁ କରଇ ନଷ୍ଟ ll
ଗୁଣେ ଗୁଣମତି ରୂପେ ରୂପସୀ
କର୍ମରେ କରମମୟୀ,
ଦୁଇ କୁଳେ ଯେ ହିତର ସାଧିକା
ଦୁହିତା ଅଟଇ ସେଇ ll
ପାପୀ ହାତେ ସେ ନ ଛାଡେ ନିଜକୁ
ଦେଖାଏ ସହସ୍ର ରୂପ,
ମୃତ୍ୟୁ ସମ୍ମୁଖେ ସଂଘର୍ଷ କରଇ
ସାହସ ତା’ର ଅମାପ ll
ନୁହଇ ନାରୀ ଅବଳା ଦୁର୍ବଳା
କରିବନି କବେ ହେଳା,
ତା’ ରୂପ ଆଜି ବିଶ୍ୱେ ପ୍ରଜ୍ଵଳିତ
ଧନ୍ୟ ଅଟେ ତା’ର ଲୀଳା ll
