ନନ୍ଦିଘୋଷ ରଥ ଚଢିବା ପାଇଁ
ଶ୍ରୀମନ୍ଦିରୁ ଜଗା ଆସିବ ଧାଇଁ,
ନାହିଁ ତା’ର ଗୋଡ ନାହିଁ ତା ହାତ
କୋଳେଇ ଆଣିବ ସାରା ଜଗତ ।
ନାଚି ନାଚି ଜଗା କୀର୍ତ୍ତନ ଖୋଳେ
ଓହ୍ଲାଇ ଆସିବ ଭକତ ମେଳେ ,
ରତ୍ନ ସିଂହାସନ ହୋଇବ ଖାଲି
ମାଉସୀ ଘରକୁ ଯିବ ସେ ଚାଲି ।
ବରଷକେ ଥରେ ବୁଲିବା ପାଇଁ
ଭକତ ଙ୍କ ସଙ୍ଗେ ଯିବ କହ୍ନେଇ ,
ଅଭାଗା ଭକତ ପ୍ରେମକୁ ଜାଣି
ମନ୍ଦିର ଭିତରୁ ଆସଇ ଟାଣି ।
ଯେଉଁ ଭକତ ଙ୍କୁ ମନ୍ଦିର ମନା
ତାଙ୍କ ପାଇଁ ଆସେ କାଳିଆ ସୁନା,
ଭାଇ ଭଉଣୀ ଙ୍କୁ ନେଇ ସାଥୀରେ
ଲକ୍ଷ୍ମୀ ଙ୍କୁ ଛାଡଇ ଏକା ମନ୍ଦିରେ ।
ନିଗମାନନ୍ଦ ନାୟକ
ବେଲପାଳ, ମୟୂରଭଞ୍ଜ
