All posts in "Odia"

ବରଂ ଦୀର୍ଘ ପ୍ରତୀକ୍ଷାରେ
ହଜିଯାଉ
ଜୀବନର
ସ୍ଥିତି ଆଉ ଗତି ;

ସାତସିଆଁ ପଣତରେ
ବାନ୍ଧିରହୁ
ଆଞ୍ଜୁଳାଏ
ସୁଖ ଓ ସଂପ୍ରୀତି !!

BY – ©® ଦଶରଥ ନାଏକ

ନୂଆ ବର୍ଷ ତୁମ ପ୍ରତୀକ୍ଷା- ଆଉ ନୁହେଁ ବେଶୀ ଦିନ
ବାଇଶି ଛାଡି ଦେଇ ଚାଲି ଯିବା ଦେଖି
ଥୟ ଧରିବନି ଆମ ମନ…ପଦ

କେତେ ଦୁଃଖ ସୁଖ ବାଣ୍ଟି ଦେଲା
ମନେ ଦୁଃଖ ନାହିଁ
ତେଇଶି କୁ ଚାହିଁ
ଚାଲି ଯିବା ପାଇଁ ମନ ଉଚ୍ଛନ..1

ଆମେ ସ୍ୱାଗତ କରିବୁ
ଯିବାବେଳେ ଖୁସି ହେବୁ
ଆଗ ରାତି ବାର ପରେ ଦି ହଜାର ତେଇଶି ଧନ……2

ସେତେବେଳେ ଆମେ ଟଳମଳ
ଶ୍ୱେତ ଆଭା ତାର
ହୋଇ ଜଳ ଜଳ
ପଶି ଆସିବ ଖୁସିରେ ଜାଣ….3

ଧରି ଆସୁଛ ନା ଖୁସି ଶାନ୍ତି
ଆଣ ନା କରୋନା
ଦୁଃଖ ଆଉ ଦେନା
ମଣିଷ ଭଣିବ ଭଲ ଗୁଣ .4

Jyotirbit –
Sj. Jagannath Das
Bhadrak

କୃପା ମହିମା ହରି
ଚତୁର୍ଦ୍ଧାମ ବିହାରୀ
ଭିଆଅନା ଆଉ ନବ ହୁନ୍ଦର ହେ

ଦରଶନ ତ ଦିଅ
ବେଳେକେ ନ ଦିଅ
ଗୁଣ ବାହୁନା ର ଚାଲେ ଆସରହେ

ତୁମ୍ଭ ପରି ହଟିଆ
ଅଛି କି ଏ ଦୁନିଆ –
ମଧ୍ୟରେ ଆନ ଜଣେ ସୁନ୍ଦର ହେ.

ତୁମକୁ କରି ଆଶ
ହୋଇନି କେ ନିରାଶ

ମହାପ୍ରଭୁ ତୁହି ଆମ୍ଭର ହେ
ଭାବନା ଆସେ ବୋଲି
ଭାବି କିଛି କହିଲି
ସବୁ ଓଡ଼ିଆ ଙ୍କ ଆଦର ହେ..

Sj. Jagannath Das
Bhadrak

ନମସ୍ତେ କମଳା ଦେବୀ
ଶ୍ରୀହରି ପ୍ରିୟା
ଚରଣେ ଭକତି କରେ କ୍ଷୀରାବ୍ଧିତନୟା
ତାମ ରଶେ ଶ୍ରଦ୍ଧା ପାଉ
ପଦ୍ମାଳୟା ସୁଦର୍ଶନା… ପଦ

କାହାକୁ ଦରିଦ୍ର କରୁ
କାହାକୁ ଦେଉ ଧନ
କିଏ ବି ଡାକେ ତୋତେ
କାହାର ନାହିଁ ମନ
ହେ ମାତା କମଳ ଲୋଚନା…

ପଡି ଦୁଃଖା ତୁରେ
ଡାକୁଛି ମୁଁ ବାରେ
ସାଗର ଦୁଲଣୀ
ପିତାମ୍ବର ରାଣୀ
ଦୟାକର ସୌମ୍ୟ ବର୍ଣ୍ଣା…

Jyotirbit-
Sj. Jagannath Das
Bhadrak

ଦେବଦାସୀ କରି ତୋ ନାଟ ମଣ୍ଡପ ରେ
ନଚାଇଲୁ ନାହିଁ ମୋତେ,
ଜୀବନ ରଙ୍ଗମଞ୍ଚରେ ଏମିତି ନଚଉଚୁ
ଚକିତ ଲାଗୁଛି ଏତେ ।୧

ଗୀତ ଗୋବିନ୍ଦ ତାଳରେ ନାଚିଥାନ୍ତି
ଶୟନ କାଳରେ ତୋର ,
କଳା ଶ୍ରୀମୁଖ କୁ ଶୁଆଇ ଦେଇଥାନ୍ତି
ଛନ୍ଦରେ ଛନ୍ଦରେ ମୋର ।୨

ଜୀବନଟା ସାରା ହୁଏ ହନ୍ତସନ୍ତ
ପାଦ ନ ପଡ଼ଇ ସିଧା ,
ଚାଲିବାକୁ ଆଉ ବଳ ପାଉନାହିଁ
ନାଚିବା ଦୂରର କଥା ।୩

ସସ୍ମିତା ଷଡ଼ଙ୍ଗୀ, ଭୁବନେଶ୍ୱର

ଦିଲ୍ଲୀ ଦାଦନରୁ ଲେଖୁଛି ଚିଟାଉ
ପଢ଼ିବୁ ମାତ ବିରଜା,
ଜୀବନଟା ଯାକ ଦାଦନ କଷଣେ
ହଲି ଗଲାଣି ମୋ ଭୁଜା ।।

ଗାୟକ ରତନ ଲୋକନାଥ କର
ଜଣାଇଲେ ଦୁଃଖ କଥା,
ପ୍ରଭୁ ଗୋପୀନାଥ ଫେଡିଲେ କଷଣ
କୋଇଲି ଠୁଁ ଶୁଣି ବାର୍ତ୍ତା ।।

ଥିଲେ ସିଏ ପିତା ନିଷ୍ଠୁର ଦେବତା
କରଙ୍କୁ ହୋଇଲେ ସାହା,
ତୁହି ମାଆ ବିରଜା ତରଳ ହୃଦୟା
ତୋର କିମ୍ପା ନାହିଁ ଦୟା ।।

ଦାଦନରେ ଖଟି ପଡିଲାଣି କଟି
ଦିଶୁ ନାହିଁ ମୋତେ ରାହା,
ବିଭିନ୍ନ ରୋଗରେ ହେଲିଣି ଆକ୍ରାନ୍ତ
କରଜ ଗିଳୁଛି ବାହା ।।

ଦିଶୁ ନାହିଁ ମୋତେ ଯାଇ ତୋ ଅଗ୍ରତେ
କରିବି ତୋ ପାଦ ପୂଜା,
ଉତ୍କଳ ଭାଷାର ସାରସ୍ୱତ ସେବା
ଲାଗୁଛି ରହିବ ଅଧା ।।

ମାଗି ନାହିଁ ତୋତେ ଜୀବନେ ମୁଁ କିଛି
ତୋ ବାକ୍ୟ ତୁ କଲେ ରକ୍ଷା,
ତୋ ଗୁଣ ଗାରିମା କରିବି ବଖାଣ
ବଞ୍ଚି ଥିଲେ ମାଗି ଭିକ୍ଷା ।।

ପୁର ପଲ୍ଲୀ ମଧ୍ଯୁ ଖୋଜି ଲେଖକଙ୍କୁ
ଲେଖାଇ ତୋର ପତ୍ରିକା,
ଜୀବନ ମୋହର ସାର୍ଥକ ହୋଇବ
ଥିଲେ ତୁହି ସାହା ଏକା ।।

ନୋହିଲେ ହାରିବି ପରାଣ ଦିଲ୍ଲୀରେ
ଧରିବ କୋଳେ ଯମୁନା,
ଗଦାକ୍ଷେତ୍ରେ ବସି ହେଉଥିବୁ ଖୁସି
ବୁଡି ଯିବ ମୋର ନାଆଁ ।।

ଉତ୍କଳ ପ୍ରଦେଶେ ତୋର ଉପଦେଶେ
ଲେଖେ ମୁଁ ତୋର କବିତା,
ତୁହି କଲେ ଦୟା ଫିଟିବ ମୋ କାୟା
କିବିଏ କରିବେ ଚିନ୍ତା ।।

ତୋ ପୁସ୍ତକ ଖଣ୍ଡେ ତୋ ପାଦରେ ଦେଇ
ଦୁନିଆକୁ ଯାଉ ବାର୍ତ୍ତା,
ନୋହିଲେ ପୁସ୍ତକ ବିହୀନ ହୋଇବି
କବିରେ ନ ଥିବ ସତ୍ତା ।।

ଲାଲବାଗ,ଖାନନଗର,ମଙ୍ଗଳପୁର,
ଯାଜପୁର,୯୮୭୩୨୩୬୪୪୧

ପ୍ରୀତି ନୀଳ ନଈ ତୁଠ ପଥରରେ
ତମେ ବସିଥିଲ ଏକା
ସୀମିତ ସ୍ମିତରେ ଅବଗୁଣ୍ଠନରେ
ଓଦା ଥିଲା ଆଖି ପତା ।

ତନୁ ବଲ୍ଲରୀରେ ଲାଗି ରହିଥିଲା
ନଖ ଦାନ୍ତ କ୍ଷତ ଦାଗ
ନିଷ୍ପ୍ରଭ ଲାଗିଲା କନିଷ୍ଠ ମୁଦ୍ରିକା
ନୀଳ ନୀଳ ପଦ୍ମରାଗ ।

କାମନାର ଢେଉ ଚୁମି ଚୁମି ଯାଏ
ରକ୍ତିମ ଅଳତା ପାଦ
ରୁଣୁ ଝୁଣୁ ତମ ନୂପୁରର ଛନ୍ଦ
ନୀରବଇ ନଈଘାଟ ।

ଚେନାଏ ଚୁମାରେ ଚିହ୍ନି ପାରିବ କି
ଚାତକ ବିଚ୍ଛେଦ ଜ୍ୱଳା
ଲୁଚେଇ ରଖିଥା ଲୁଣି ଲୁହ ତକ
ବୁକୁ ତଳେ ଚାରୁ ଶୀଳା ।

ସୀଇଁ ଦିଅ ତମ ସ୍ମୃତିରେ ସ୍ୱପ୍ନକୁ
ସୁଖ ଚିରି ଯିବା ଆଗୁ
ଜଉମୁଦ ଦେଇ ଦୋଦୋଚିହ୍ନା ଦୁଃଖ
ସାଇତି ରଖିବ ସବୁ ।

ଟୋପି ଟୋପି ଲୁହ ପଖାଳ କଂସାରେ
ଦୁଃଖ ପଡୁଥିବ ଖସି
ସହି ପାରିବନି କହି ପାରିବିନି
ପାହି ଯାଉଥିବ ରାତି ।

ସୃଜନ କବି :କାଙ୍ଗାଳୀ ଚରଣ ସେଠୀ
ବର୍ତ୍ତଣ୍ଡା, ସୁକିନ୍ଦା, ଯାଜପୁର

କଥା ଏମିତିକା
କଥାରେ କଥାରେ
ଆଖିରେ ଭରଇ ଲୁହ
କଥାର ଗୂଢ଼ତା
କଥା ହିଁ ତ ବୁଝେ
ହୃଦୟର କେତେ ମୋହ.

କଥା ଭରିଦିଏ
କଥାର ପୂର୍ଣ୍ଣତା
ଜୀବନର ପଥଧାରେ
କଥା ଝରିଯାଏ
କଥାର ପ୍ରବାହେ
ଯନ୍ତ୍ରଣା ଯେଉଁଠି ସରେ.

କଥା ପ୍ରେରଣାର
କଥା ପ୍ରଣୟର
ପ୍ରାଣରେ ସଞ୍ଚାରେ ଖୁସି
କଥା ହଜିଗଲେ
କଥା ସରିଯାଏ
ପ୍ରୀତି ହୋଇଯାଏ ବାସି.

କଥା ପଦକରେ
କଥା ଦେଇଯାଏ
ସାତ ଜନମକୁ କଣ୍ଟ
କଥା ଓଲଟିଲେ
କଥା ହାରିଯାଏ
ନୀରବେ ହୃଦୟ ଘଣ୍ଟ.

କଥା ଢାଳିଦିଏ
କଥାର ପିୟୁଷ
ପ୍ରୀତିଭରା ଆମନ୍ତ୍ରଣ
କଥାର ମୋହରେ
କଥା ହୁଏ ଛନ୍ଦି
ବାସ୍ନାୟିତ ପ୍ରତିକ୍ଷଣ.

କଥା ଏମିତିକା
କଥା କଟାକ୍ଷେ
ଜହର ପଡଇ ଝରି
କଥାର ପଟୁତା
କଥା କଟୁତା
ଜୀବନ ଦିଅଇ ସାରି.

କଥା ବି ତ ଥାଏ
କଥାର ଭାବରେ
ହୃଦୟ ହୁଅଇ ବନ୍ଦୀ
କଥା ହୁଡ଼ିଗଲେ
କଥା ବୁଡ଼ିଯାଏ
ଆତ୍ମା ଡୋର ଯାଏ ଛିଣ୍ଡି.

କଥା ବଢିଗଲେ
କଥା ଛିଡ଼ିଯାଏ
ସମ୍ପର୍କ ହରାଏ ମୂଲ୍ୟ
କଥାକୁ ମାଜିଲେ
କଥା ହୁଏ ମୋଟା
ଜିରା ଲାଗେ ସିରା ତୁଲ୍ୟ.

କଥାର ମାଧୁର୍ଯ୍ୟ
କଥାର ପ୍ରାଚୁର୍ଯ୍ୟ
ଅମର କରଇ ଜନେ
କଥାର ଅମୃତ
କଥା କରେ ପ୍ରୀତ
ସ୍ନେହ ଶ୍ରଦ୍ଧା ପ୍ରତିଦାନେ.

ସୁଜାତା ଦାସ
ବାଲେଶ୍ୱର

God is life,
God is light
i slept and dreamt
the God is beauty,

Waste not,
Want not
spend,and God will send.
All’s Well that end’s well
because God is almighty.

God is love,
God is every thing
God is truth,
God is in everybody
always God is in you
feels your inter sight.

Love begets love,
Nothing exists except truth.
Everything looks like beautiful just
Everyday has its Night.

you must call him
heartly,
Night and day
you will do your duty
And be happy and gay.
this is the perfection of
your act and duty.

Jyotirbit-
Sj. Jagannath Das
Baghua,Soro,Bhadrak

ପଠାଣି ସାମନ୍ତ ଜୟନ୍ତୀ
ଆନନ୍ଦରେ ଚାଲ ପାଳନ କରିବା
ଓଡିଶାରାଜ୍ୟ ର ସେ ଜ୍ୟୋତି..(ପଦ)

ଯୁଗେ ଯୁଗେ ତାଂକ ଯଶ ଅକ୍ଷୟ
ନୁହଁଇ ଅସ୍ତମିତ
ମୃତ୍ୟୁଶୀଳ ଏ ଜଗତ ଦେଖିଛି
ହୋଇଣ ଆଚମ୍ବିତ
ସେ ପଠାଣୀ ଚନ୍ଦ୍ରଶେଖର ସିଂହ ସାମନ୍ତ
ସାଧନା ତାଂକ ଜ୍ୟୋତିଶ୍ଚକ୍ର ଗତି..୧

ସିଦ୍ଧାନ୍ତ ଦର୍ପଣ ,କରିଲେ ଅର୍ପଣ
ଶ୍ରଦ୍ଧାରେ
ଜୈାତିଷ ଶାସ୍ତ୍ର ର ପରମ ସାଧକ
ବିଦ୍ୟାରେ
ଅଂକ ରେ ସେ ରଂକ
ଜୈାତିଷ ରେ ଝୁଂକ
ରୋଗିଣା ଦୈହିକ ସ୍ଥିତି….୧

ଦିଖଣ୍ଡ ବାଉଁଶ ନଳୀ
ମାପଇ ପାହାଡ ଚୁଳି
ନିରେଖି କହନ୍ତି ସତ ବହୁଦୁ୍ର ରୁ

ଶ୍ରୀଜଗନ୍ନାଥ ଭକତ
ଜ୍ଞାନ ଗୁଣ ବହୁ ଶ୍ରେଷ୍ଠ
ବିଜ୍ଞାନ ବିଜ୍ଞାନୀ ହେ ଜ୍ୟୋତିସ ଗୁରୁ
ଦିନ ଦିିନ ଧରି ଇତିହାସ ତୁମ
କରିପାରୁନଥିବ ଇତି…

Jyotirbit-
Astrologer-
Sj. Jagannath Das
Bhadrak

ଚିତ୍ରୋତ୍ପଳା ଆଜି ବାହୁନି କାନ୍ଦୁଛି
ମୁହାଣ ନିକଟେ ତା’ର ,
ନୀଳ ସାଗରର ତରଙ୍ଗ ଫେନରେ
ହଜିଛି ଅତୀତ ଯା’ର ।୧

ଅତୀତ ପୃଷ୍ଠା ରେ ଇତିହାସ ହୋଇ
ରହିଗଲା ମୋର ନାମ,
ହଜିଗଲା ଚିରସ୍ରୋତା ଚିତ୍ରୋତ୍ପଳା
ଶୁଷ୍କ ଆଜି ତା ମୁହାଣ ।୨

ଗଢା ହେଲା ତୀରେ ବଡ଼ କୀର୍ତ୍ତିରାଜି
ନିଖୁଣ ସ୍ଥାପତ୍ୟ କଳା,
ବାରଶ ସ୍ଥପତି ନିହାଣ ମୂନରେ
ଖୋଦିଥିଲେ ଚିତ୍ର କଳା ।୩

ମୋ ବୁକୁରେ ବହି ଆଣିଥିଲେ ଶିଳା
କେଉଁ ଦୂର ପ୍ରାନ୍ତର ରୁ ,
ମୁଗୁନି ପଥରେ ସୁନ୍ଦର ଭାସ୍କର୍ଯ୍ୟ
ଲିଭୁନି ମାନସପଟ୍ଟରୁ ।୪

ଭଗ୍ନ ସେ କୋଣାର୍କ ନଗ୍ନ ତା ଭାସ୍କର୍ଯ୍ୟ
ସୌନ୍ଦର୍ଯ୍ୟ ହଜିଛି ଆଜି,
ଲୌହ ର ବେଡିରେ ଆବଦ୍ଧ ଶରୀର
ଲୁଚିଯାଇଛି କୀର୍ତ୍ତିରାଜି ।୬

କାରୁକାର୍ଯ୍ୟ ଲାଗି ଦେଶ ବିଦେଶ ରୁ
ଛୁଟୁଥିଲେ ପର୍ଯ୍ୟଟକ ,
ଜରାଜୀର୍ଣ୍ଣ ଆଜି ତା କିରତିରାଜି
ମର୍ମାହତ ପର୍ଯ୍ୟବେକ୍ଷକ ।୭

ଭାଙ୍ଗିଲା କୋଣାର୍କ ଲୁପ୍ତ ଚିତ୍ରୋତ୍ପଳା
ହସେ କଂକ୍ରିଟ ଜଙ୍ଗଲ ,
ବିପଣି ମାଳାରେ ଶୋଭିତ ମୋ ବକ୍ଷ
ଲୁପ୍ତ ସେ ଗୁଡୁକଙ୍କ ଖେଳ ।୮।

 

ସସ୍ମିତା ଷଡ଼ଙ୍ଗୀ , ଭୁବନେଶ୍ୱର